اه البوبووووووووو إجا
و سمعت صوته النوري عبر الأسلاك
حرقصني من جوا
حد ياخدني لعندو
بدي أحملوووو
بدي اشوفوووو
طيب صورتوو
أي شي يا جماعة
عن بعد و ريموتلي
انا صرت خالتو للمرة التانية
و بهذه المناسبة الحلوة حاكتبلهم رسالتين
يا حد يقرالهم ياها هلئيت
(و يحاول يفهمهم مالي ههههههه)
يا يمروا هون بعد "عمر" و يقروها لحالهم
حبيبي الزغنوووون (البوبو نفسه):
مش حطوّل عليك بالكلام انت لسة واصل من ساعتين
و اكيد بتسأل حالك شو هاد الضو و مين هدول الناس
وين دقات قلب ماما وين الهدوء وين الدفا
و وين الحليب وينووو وينووو واااا
الله يجعلك قرة عين لامك وسرور لقلبها
يجعلك الفرح و البر و هداة البال
يجعلك السند و الدفا و الحب لاطيب و أحن ماما ياسمين
و بحبك حتى لو ما شفتك فيس تو فيس لسة
J
ميروو حياتي (اخت البوبو) :
أنا عارفة إنك مش فاهمة اشي و لا متخيلة شو اللي بصير و حيصير
و عارفة تماما احساسك و انت بتلفي بالدار و بتنادي ع ماما
اللي اختفت من اول النهار بدون ما تاخدك على الباي معها
أوصيك يا خالتو بالحكمة و الصبر و ترك الغيرة
من 25 سنة لما كنت قدك اجت امك تنافسني مع انه انا ما عملتلها اشي
فغافلت مامتنا و قاعدة بسحب امك من ايدها من على الكنباية
و كدت ارتكب فيها الجريمة اللي تستحقها على سحب البساط من تحتي
لولا ستك لحقتها و كان بيني و بين مرادي اجزاء من الثانية فقط
يعني من الاخر من الاخر و عن تجربة
"قلبي عندك يا ميروووو"
و لسة بحبك جدا جدا أنا ما تخافي
J
خالتو هديل
ملاحظة : الشعب الفلسطيني سيطالب بانهاء الانقسام بكرة .. ميرو و البوبو خليكم حبايب و العبوا سوا سوا
الف مبروووووك ياحبيبتي ربنا يخليهوملكم ويبارك فيهم يارب ياحبيبتي
ردحذفالف مبروك البيبي الجديد...يتربى بعزكم و عز اهله يا رب و يجعله من الصالحين
ردحذفاحلى شي بالدنيا الصغار....و الله يعينهم على تفكيرهم وهمه صغار, جد بحزنو لانهم مش فاهمين و بفكرو ان خلص الناس بطلت تحبهم :( كتير بحزن عليهم
شفت فروحه و هي بتدمر نور بس دائما ربنا بستر الحمد لله
الله يحماهم كلهم يا رب و يكتّر منهم بحياتنا :)
عقبالك يا حلوه :)
كلمة التأكيد طلعت Karam ....شو سميتو البيبي؟؟؟ كرم!!! :)
كارمين:
ردحذفالله يبارك فيك يارب و يخليلك كل حبايبك ان شاء الله :)
وسبووورة:
الله يبارك فيك و يخليلك كل اللي بتحبيهم ..
انا متاكدة انك فاهمة احساس الريموتلي هاد ..
عنجد الزغار احلى شي ربنا خلقه حتى في غيرتهم جمال :)
و هو من ناحية كرم فهو كرم من ربنا اكيييييييد ..
أما اسمه فامه و ابوه لسة ما اتفقوا فاسمه "البوبو" حتى اشعار اخر هههههه :)
مبارك البوبو
ردحذفوان شاءالله يتربي في عزكم
ملاحظتين:
الاولى شو حرف ال J اللي بين الفقرات هادي ؟؟
التانية : "من 25 سنة لما كنت قدك "
ياريت تحسبي صح ..لانه عمره تقريباً يوم ..مش 20 سنة
:D :D :D
ان شاء الله بتشوفه عريس يارب
:]
شحرور البس:
ردحذفاولا ..
الله يبارك فيك يارب و ان عندك أولاد يباركلك فيهم و ان ما عندك يرزقك منهم اللي يقر عينك به و يسر قلبك :)
تانيا ..
هو حد قلك انا عندي 45 سنة مثلا !!
كنت قد ميرو من 25 سنة = عندي هلأ 26 ..
ايش رفع الكوليسترول هاد هههههه
تالتا و اهم شيء ..
انت مين مسلطك عليّ اه :D
اه نسيت ال
ردحذفJ
بتظهر لانك بتستعمل فايرفوكس
جرب متصفح تاني و حتطلعلك وش بيضحك :)
ألف ألف مبروووك يارب
ردحذفيتربى هو و اخته بعزكم و دلالكم يارب :)
الحمدلله انا ما بعرف شعور الغيره لانه انا اصغرة وحدة بالبيت يعني ما اجاني منافس ^_^
الله يحمي كل الاطافيل يارب ^_^
و عقبالك يا رب :)
ألف مبروك " البوبو " الجديد بس عجبتني خالة للمرة 2 أنا صرت خالة للمرة 12 و الله كبرونا الاولاد
ردحذفLioneSS:
ردحذفالله يبارك فيك ان شاء الله :)
اووووه هاد انتي اخر العنقود يعني
اه يا عم كل الدلال الكم انتو ^_^
ربنا يسعد اوقاتك يارب عزيزتي :)
رشا:
ما شاء الله لا قوة الا بالله .. 12 :)
و الله يبارك فيك و فيهم و في كل اللي بنحبهم :)
مساء الحنان هديل
ردحذفوالف الف مبروك البوبو
احساس الخالة حلو كتير
أسأليني <<<< خالة لسبع أطفال هههه
ربي يخليهم يارب
دمتِ بحب وسعادة
تحياتي
مساء الخير
حذفأهلين همس :)
ردحذفالله يبارك فيك يارب ..
و يخليلك السبع اطفال و يسعدهم كلهم ..
كان نهاري طويلا و اسعدني مرورك حين عدت :)
مبروك المولود وأسأل الله انه يجعله من الذرية الصالحة إن شاء الله
ردحذفأحاسيس متناثرة ..
ردحذفالله يبارك فيك و اسأل الله الاستجابة :)
الف الحمد لله على سلامة اختك ، عقبال ما نفرح فيك يا هديل ونشوف البوبيات مش بوبا واحد ، سلامي لاختك وللصغار ، وفعلا بمناسبة الحديث عن الوحدة ، ياريت يلعبوا سوا سوا ،ههههه
ردحذفيختيييييييي ما ألز هالتّدوينة ،
ردحذفان شاء الله كل دعوة فيها مستجابة <3
وجع البنفسج :
ردحذفالله يسلمك تسلمي ان شاء الله عزيزتي ..
أما عن سوا سوا ففي انباء تقول
انه ميروو متخذة الموقف السلمي لهلئيت ..
فكرك حتنزل الميدان هههههههه
نون:
اهلا و سهلااااا
نورتي الحتة يا لزيزة انتي :)
ألف مبروك
ردحذفيتربّى بعزّ خالتو : )
متشرد:
ردحذفالله يبارك فيك يارب ..
و يتربى بعز إمه :)
الأخت الفاضلة
ردحذفمدونة جميلة ورائعة ... تقبلى مرورى وتعليقى ... ودمتى بكل الود
أخوك / تامر
الأخ تامر :
ردحذفشكرا لجميل كلامك ..
و كل التحية لك و لمرورك الطيب ..
:)
ههههه عنجد حسيت فلم هندي زعلت على ميرو
ردحذفوحسيت البيبي ماكل الجو
بس للحق هو هيك ميرو مش عارفه كيف تنتقم وترجع الجو الها ومقضياها عيا وملزقه فيا
والله لا يفرجيكي على هالوضع نايمه ايد هون وايد هناك واهز هون واحضن هون انيم هاد يصحى التاني ههههه
فكرك مين بدو مدونه ينزعل عليه انا ولا هم؟؟
ام الصغنون
حبيبتي ام الصغنون :
ردحذفانا بديت ازعل عليك انتي الصراحة ههههههه
لازم نعلمك مدونة كاملة
الموضوع الأول نفسي اناااام ..
و التاني لسة نفسي انام ..
و التالت كل يوم نفسي انام ..
و هيك يعني هههههههههه
الله يخليلك ياهم و يسعدك و يسعدهم يارب :) :)
الف مبرووك ..يتربوو بعزكوو :)
ردحذفهلا:
ردحذفالله يبارك فيك تسلمي :)