الاثنين، ١٣ كانون الأول ٢٠١٠

يا وردي عليّ



يمّا الفاينال على الباب نوّر قناديله .. 
  يمّا أحط راسي و أناااام ولا أقدمه
يمّاااااا

اللي عنده امتحانات زيي ربنا يوفقووو
 و اللي ما عنده يقعد يدعيلنا
ينوبو فينا ثواب 
:)

النعسانة رغم اقداح القهوة
هديل



هناك ١٣ تعليقًا:

  1. الله يوفقك بالفاينال
    ويبعد عنك اقداح القهوة
    ** احمد**

    ردحذف
  2. أنا يا حبيبي راح ابقى معك
    لو دبل الورد و ما عاد في قمر
    على قوله الحجة فيروز
    يعني بندعيلك بالروحه و بالجيه
    طول الوقت
    انتي مثال المرأه الفلسطينيه المتحديه للصعاب هديل
    تسعين لتحقيق احلامك رغم كل الصعوبات
    كيف بالله ما بدنا ندعيلك
    روحي ربنا يريح قلبك و يخفف همك و يفرج على مخك
    و يسهل عليكي دراستك و امتحاناتك
    تتخرجي بامتياز

    مع محبتي

    نور

    ردحذف
  3. هههههههه دحكتني الصوره
    يابنتي القهوه بطلت تجيب مفعول معك تشبعتي اشربيلك كباية حليب يمكن تصحصحي عليها

    ربي يوفقك ويفتحها عليك ويجعل كل اجوبتك صح

    مينو

    ردحذف
  4. هديل بتزكريني بمقولة بحكيها كتيييير كل مرة بقدم فيها امتحانات:
    بحياتك ما تحممت وطوول عمرك معفن قدم امتحان بيصير نفسك وامنية حياتك تاخد حمام نضيف لتشيل طبقات اسمنت صارلها عمر معك
    ازا كنت نكد وجهك ع شقة قدم امتحان بيصير كل دقيقة نفس تطلع وتطش وتشوف البني ادمين
    ازا دايما نفسك مسدودة عن الاكل قدم امتحان بتصير كل دقيقة نفسك تاكل او حتى نفسك تنقل غرفتك للمطبخ
    غرفتك دايما مكركبة قدم امتحان بتصير تهتم كتير فيها طبعا كل هادا فضاوة وقت
    ههههههههههههههههه
    احوالنا صعبة ايام الامتحانات الله يوفق الجميع بما فيهم انا وانتي وكل واحد عندو امتحان

    ردحذف
  5. الله يوفقك يا هديل , وان شاء الله الامتحانات تكون كتير سهلة ,بدنا اياك ترفع راسنا .

    ردحذف
  6. هوا في امتحانات في الدكتوراه كمان !
    ربنا يوفقك

    ردحذف
  7. أحمد :
    كتر لي منهم دعواتك الطيبة و الله في أمس الحاجة إلها بعد اللي شفته اليوم !!

    نور :
    حبيبتي انتي هههههههه
    ضحكتيني على مثال المرأة الفلسطينية المتحدية للصعاب لانه عنجد اللي شفته في امتحان اليوم بيقول ما احلاها القعدة في ارض الرباط !!!

    مينو :
    عجبك ! هي مج القهوة كله اندلق بس مش أنا اللي ابكي عليه .. رحت عملت واحد تاني و للاسف ما حوّق .. حجرب الحليب اليوم :p

    englina :
    شكلنا كلنا قاريين عند شيخ واحد هههههه
    انا فعلا ربنا فتح نفسي على الاكل هالاسبوع اشي مش طبيعي و صار لازم اكل 3 وجبات باليوم و ما فيش مانع بريك بين كل وجبة و وجبة لوجبة تانية .. يااااااااارب عديها عخير قبل ما يصير بدها رجيم القصة :)

    Rasha :
    الله يعلم يا رشا اديه حاسة بمسؤولية تبييض الوجه و رفع الراس بشكل مش عادي .. انا مش بس هديل .. انا حاسة باني ممثلتكم اللي ما اخترتوها :)

    غير معرف :
    شفت بالله عليك !! انا كان عندي نفس التساؤل طول الفصل .. حتى الدكتوراة يا الله ؟؟؟

    ردحذف
  8. هههههههههه
    ضحكني العنوان من قبل لا أعرف عن شو، بس خمّنت

    ربنا يوفقك هديل
    الفترة هاي عصيبة ع المجتمعات كلها من ورا الامتحانات، حتى جربي احكي مع حدا بتلاقيه خلقه ضيّق ومش طايق حاله

    ركزي يا دكتورة : )

    ردحذف
  9. متشرد :
    اليوم بطلع في وجوه الطلاب في الباص و كله نعساااان و كله بايده ورق و كله مبلم .. الموت مع الجماعة رحمة و كان الله في عون الجميع .. موفق من القلب :)

    ردحذف
  10. ربنا يوفقك يارب ويديكي على قد تعبك قادر يا كريم

    ... كيف بالله هالدعوة؟

    ردحذف
  11. تسلمي يا أماني على هالدعوة الحلوة و أنا طمعانة ربنا يديني على قد كرمه مش بس على قد تعبي مع اني تعبت و الله :)

    ردحذف
  12. فتحتي نفسي على الدراسة يا هديل والله الواحد اشتاق لجو الجامعة والامتحانات وقرفهم ،،ههههه ، ربنا يوفقك يارب وتنجحي ان شاء الله ، بعدين سيبك من القهوة ودوري ع اشي ثاني ،، انا لما بدي انام باشرب قهوة وبانااااااااام ع طوووول ، اشربي نسكافيه او نسكويك أو شاي ينفع برضه ،،،

    ردحذف
  13. قلم و دفتر :
    قليلي شو تخصصك و شو ميولك و خلينا نبدأ ندورلك على اشي تدرسيه هههههههه .. و بالنسبة للقهوة عادة بالايام العادية رشفة رشفتين منها بعد المغرب بتخليني صاحية للفجر بس هلأ سبحان الله عشان امتحانات مفعولها زي الحليب بالزبط :)

    ردحذف