السبت، ٢٩ كانون الثاني ٢٠١١

فاهم عليّ ؟



انا عارف انك فاهم
انا ما كان قصدي
و عمره ما حيكون 
انا ازعلهم ؟؟
انت بتصدق ؟؟
ولا هما بصدقوا 
هما عارفين هما مين عندي
و انا ما برضى ننام زعلانين
:(

فكرك رح يمروا هون؟




الاثنين، ١٧ كانون الثاني ٢٠١١

ولعت !




النار النار النار
يا حبيبي انا دايب نار
و القلب خلاص احتار ههههههههه
يقطع الهبل و سيرته
ركزي يا بنت و اكتبي عدل
J


ايوووون مزبوووط
اوضتي ولعت
(دا أنا لاقيتها بعد جهد جهيد .. و تعودت عليها بالعافية)
و الكتب ولعت
(العلم منوووور يا حج .. بس يا خسارة الملاحظات)
و التخت ولع
(اللهم أجرني في مصيبتي فيه هو و المخدة حبايب قلبي ههههه)
و المكتب ولع
(انا من الاول كنت شايفة انه ماخد حيز من الفراغ و ربنا ريحني منه)

بطلعلي أغني لحكيم ولا لأ عاد؟


هادا يا سادة يا كرام
قبل ما سافر بليلة اجاني ايميل من خالتو الحنونة .. فاكرينها؟
بتقلي انه حادث صار بالبيت اللي أنا متأجرة فيه
أدى إلى نشوب حريق أثر بشكل بسيط على غرفتي
أنا قلت بسيطة مش قصة يعني حريقة زغيرة تفوت ولا حد يموت
و لكن أبدا 
(مش هتنازل عنك أبدا مهما يكون مهما يكووون.. ولك ركزي) 
 اه .. أبدا ما تخيلت انه الاوضة كلها سلامة تسلمكم
 !!!!!!!!!!!!!!

اه طبعا الحمد لله أنا بخير يعني كان ممكن الحريقة تصير و انا نايمة
و اختنق باول او ثاني اكسيد الكربون (انا نسيت الكيميا ولا هيك صح؟)
او كان ممكن مع البرد افكر النار دفا و حرارة ايمان
و مش عايزة اتخيل الباقي اصلا !!

امبارح نزلت باوتيل مع صاحبة البيت العجوز
Mrs. Lee
يا حرام شو مرهقة و تعبانة و عيونها لمعت بالدمع و هي تقلي
I wish you were here to cheer me up
بدون ما افكر بالرد لاقيتني بقلها
I’m here with you now, Lee
ضحكت و كانها بنت زغيرة و فاتت تنام برضا
و الصبح دقت عليّ من السبعة تقلي تعي افطري معي
J

رغم انها من بلد تاني و دين تاني و ثقافة تاني
أنا حاسة حالي إمها أو بنتها أو حفيدتها
او مش عارفة ايش بس حد مسؤولة أنا عنه
حد لازم اعينه و أقوّيه
رغم انه ربنا وحده عالم قديه محتاجة حد معي يقويني !

هديل 


الأحد، ١٦ كانون الثاني ٢٠١١

مبارح .. كنا سوا




 صحيت اليوم ..
ما لاقيت بابا صاحي قبلي ولا شفت وجهه حبيبي و هو بقلي صح النوم
ولا لاقيت ماما بضحكتها الحلوة تقلي بدناش نشرب القهوة على البرندة؟
و لا ميرو بشعراتها الشقر ضحكتلي و رفعتلي ايديها لاحملها و نعمل الحليب
ولا انتي و عزوز شربتو معي الشاي بالنعنع و سندويشة الجبنة
و لا صحيو الباقيين بعد ستين صبح وراح عليهم صبحنا سوا
وينكم ؟ 

مش شوية المرات اللي ودعتكم فيها .. إلي 8 سنوات و نص رايحة جاية ..
4 منهم رحنا و اجينا انا وياكي سوا .. و الباقي لحالي
فاكرة لما كنا نقعد نخطط شو نبلس  لما نروح المطار
و لما في وحدة من رجعاتنا على غزة وقفنا بالحسين و اكلنا الكشري
طيب فاكرة نانسي عجرم اللي بسن واحد اللي قعدت تغنيلنا
و لا نومة المعبر و العجوز اللي بتقصقص بزر
و الغلبان اللي أصر يدينا جاكيته و نشف من البرد
طيب الفار اللي أدبنا فاكراه هههههههه

طول الطريق و هالصور تمر قدامي
و شي جواتي يقلي لفي و ارجعي
كتير قصص جمالها كان في رفقتك ..
اللي مفتقداها و بدونها ما عاد للغربة و الدمع ونس !

هديل