الأحد، 16 كانون الثاني، 2011

مبارح .. كنا سوا




 صحيت اليوم ..
ما لاقيت بابا صاحي قبلي ولا شفت وجهه حبيبي و هو بقلي صح النوم
ولا لاقيت ماما بضحكتها الحلوة تقلي بدناش نشرب القهوة على البرندة؟
و لا ميرو بشعراتها الشقر ضحكتلي و رفعتلي ايديها لاحملها و نعمل الحليب
ولا انتي و عزوز شربتو معي الشاي بالنعنع و سندويشة الجبنة
و لا صحيو الباقيين بعد ستين صبح وراح عليهم صبحنا سوا
وينكم ؟ 

مش شوية المرات اللي ودعتكم فيها .. إلي 8 سنوات و نص رايحة جاية ..
4 منهم رحنا و اجينا انا وياكي سوا .. و الباقي لحالي
فاكرة لما كنا نقعد نخطط شو نبلس  لما نروح المطار
و لما في وحدة من رجعاتنا على غزة وقفنا بالحسين و اكلنا الكشري
طيب فاكرة نانسي عجرم اللي بسن واحد اللي قعدت تغنيلنا
و لا نومة المعبر و العجوز اللي بتقصقص بزر
و الغلبان اللي أصر يدينا جاكيته و نشف من البرد
طيب الفار اللي أدبنا فاكراه هههههههه

طول الطريق و هالصور تمر قدامي
و شي جواتي يقلي لفي و ارجعي
كتير قصص جمالها كان في رفقتك ..
اللي مفتقداها و بدونها ما عاد للغربة و الدمع ونس !

هديل


هناك 10 تعليقات:

  1. تصدقي ولا صبحي كان حلو
    صحيت مالقيتك صاحيه قبلي
    ولا حد عملي الشاي ولا لميرو الحليب ولا حملها ونزل تحت الياسمينه
    حتى لما رحت البلكونه تزكرتك وقلت وين الي كانت اطلع ماما عالبلكونه
    والغدا زالعشا وكل شي كنا سوا فيه
    والله خنقتني طلعتك انا كان نفسي نبطل وداع ونضل مع بعض على طول بس هيك بدها الدنيا
    المهم تخلصي الي عليكي وتيجي نعيش الي باقيلنا من عمرنا والله اعلم متى يجي ابن الحلال الي يرجع ياخدك منا
    بس اكيد مارح انسى ولا شي حلو كنا سوا فيه
    صديقة غربه ابديه لا تبدل باي صديق والله

    وحشتيني من قبل ما تروحي فما بالك بعد مارحتي

    ردحذف
  2. كنت أظن أن الوقت كفيل بأن نعتاد الغربة، أن نرتّب هذه المشاعر في شنطة سفرنا بعد المرّة الاولى، بهدوء ورويّة بحيث تفع خفيفة على القلب. كنتُ أظن، ما اسوأ ظنّي ..

    أنا كذلك أحنُّ. هذا اعتراف واضح وصريح، ليس للناس فحسب، بل للشارع، وللمصباح المكسور الذي كلما مررتُ من أسفله انطفأ، ولشارع الشهداء، ولغرفة صديقي ..

    فتحتِ باب لا يُقفل يا هديل!

    ردحذف
  3. بوست جميل وسرد اجمل
    تحياتى لكى يا هديل
    تقبلى مرورى

    ردحذف
  4. صعبة الغربة ،، كثير ،، نحمل في شنطة السفر كل أحلامنا وذكرياتنا مع الأحباب ،، وشوية صور لعلها ترجعنا ولو قليلاً لليالي الأحبة والسمر .. ما أصعبها من غربة وما أجملها لأنها تبوح لنا بما حاولنا نسيانه من ذاكرتنا ،، ما أجملها لانها تشدنا إلى الجميل من ماضينا ..

    ردحذف
  5. حبيبتي هديل كنت عم أخربش على صفحة ورود عن زيارة لينا ، ورجوعها عبلاد الغربة ،، يالله شو وضعنا بيحزن
    وعم أتذكر أشياء كتير حلوة ومرة كيف مضيت بسرعة ، بفتقدها كتير ،،
    يالله شو لما يكتب الواحد بيتريح
    استمري هديل

    ردحذف
  6. مرحبا هديل ان شاء الله تروحي وترجعي بألف سلامة,بس والله الغربة كتير صعبة لما تكوني لحالك وما عاد النا غير الذكريات لان مرارة الأيام ما خلت شي ......

    ردحذف
  7. يا احلى من شجر الياسمين كله:
    كل ما تشمي عطرها و تشوفي بياض وردها تزكري انك عندي اعطر و ابيض منها و ابتسمي برضا لانه عنا زكريات حلوة غيرنا يمكن ما عاشها .. الله لا يحرمني منك يا أحن ياسمين بالدنيا !

    متشرد:
    ابدا لن ترتب المشاعر و تدخل غيبوبة الاعتياد .. أبدا لن تكف عن اثارة الشغب حتى يلقى القبض على قلوبنا بتهم الاشتياق و الحنين و الحاجة .. لن نكون نحن دونها .. لن أكون أنا !

    هبة فاروق :
    مرورك على البوح هو الاجمل .. دومي بخير :)

    وجع البنفسج :
    على سيرة الصور .. اعتدت ان أحمل صوؤ احبتي في اسفاري فاملأ بها جدران الغرفة و حينما اتلفت اجدهم امامي .. توقفت ! شيء يشبه الاعتياد على المورفين فيتوقف عن اسكات الألم !

    غاليتي بدور :
    لا نشعر بالشيء الا بفقده .. الغريب أنه حتى تلك التفاصيل التي لم تسمتع بها نفتقدها و ننظر إليها بحنين لا مفهوم .. خربشي يا بدور خلي القلب يحكي ..

    اهلين رشا :
    الله يسلم قلبك يارب .. المر من الأيام ان شاء الله يمحوه الحلو منها و يعوضنا الخير :)

    أحمد :
    حلو كتير و لا شوي ؟ .. قصدي يحلي ايامك :)

    ردحذف
  8. الله يعينك و يعين كل مغترب.... الغربه تفرض علينا و ما بنختارها

    ان شاء الله بتمر الايام بسرعه و بترجعي بين اهلك و اصحابك و احبابك عن قريب يا قمر

    ردحذف
  9. Whisper:
    انتي عارفة أنا اللي "مختارة" غربتي و "مغصوبة" عليها ما تسأليني كيف جمعت بين الاتنين بس هو هيك .. ربنا ييسرلنا الخير حيث كان و يرضينا فيه .. بحب لما تميلي عندي :)

    ردحذف