الخميس، ١٦ كانون الأول ٢٠١٠

الدنيا بيضا ..



بالعادة لما بصحى بطلع على الشباك اللي فوقي و انا لسة بين الصاحي و النايم
بس اليوم كان في شي غريب .. في حجات بتنزل من السما بس ما في صوت شتا
لاااااااااا ؟ 
معقووووول؟ 
 و قمت من تختي عطول نحو الشباك
(عادة باخد نص ساعة استمتاع بالدفا قبل ما اقوم) 
و اذا الدنيا بسلامتها لابسة الابيض 
و الغيم يقلها بحنية
 فاكرة مبارح يا حبيبتي لما اهديتيني على راديو سوا
 "عبالي حبيبي ليلة ال البسلك الأبيض"
اديني حققتلك اللي في بالك هههههه

كان هذا هذيان وحدة صاحية من النوم سيبكم J

المهم الفكرة المجنونة الملحة اللي طلعت براسي
بدي اطلعله برد و لا مش برد .. بديييييي
وقمت لاقيت الواد إيان حفيد الست اللي ساكنة معاها بده يطلع هو كمان
قلنا على بركة الله (محدش يسألني عن الترجمة) و طلعنا انا و هوا 
 صرت قده و مبسوطة و ما في بالي شي غير يا الله ما أحلى اللون
تراشقنا التلجات بس بشويش 
يمشي و انا الحق خطوات رجله الزغيرة 
و هو يضحك و انا اضحك على ضحكه
كانت ستو الله يرحمها تقول
"لو عندك هم جبلك ولد زغير"
طيب يا ستو إيان جاي يزورنا اليوم بعد هيك من وين أجيب ؟

و رجعت كبرت و رفعت وجهي للسما و هي ترمي عليّ تلجها
و صحيت كل الأفكار تاني و بطلت اضحك 
و صار القلب يدعي من جوا و سكتت الدنيا
 و حسيت بالبرد اللي نسيته و انا بلعب 
ضحكت ل إيان و دخلت
وهيني هون
 بكباية الشاي بالمرمية 
و كبشة الورق
و انتظاري ..

هديل 


هناك ١٨ تعليقًا:

  1. مافي أحلى من هيك صبـــاح ..

    صباح الدنيا البيضا .. صباح الطبيعه والشفافيه والروقان كلو .. صباح الصغار .. صباح الركض والحياه الحلوه ..

    كلمااتك اليوم حبيتهاا كتير ..

    يارب يا هدووب دوم مبسوطه ومرتاحه وايامك كلهاا بيضا ونقيه متل التلج ياارب ..

    ردحذف
  2. Hi Hadeel .. what a great words .. u have a very touching writing style.. u r just amazing .. I loved ur way ^__^ keep on
    Asmaa Jouda

    ردحذف
  3. دعاء :
    مش الصباح الأبيض ولا الكلمات و لا الزغار هما اللي لحالهم حلوين .. بلزمهم قلب متل قلبك ليحس فيهم و يميزهم .. الله يعطيكي ليرضيكي من خير الدنيا و الاخرة يارب :)

    أسماء :
    شكرا كتير عكلماتك الحلوين هدول .. كتار عليّ خجلتيني والله و مبسوطة انك حبيتيهم .. و ان شاء الله دايما :)

    ردحذف
  4. أنا صرت أحبّ آجي هان كتير ..
    و كلّ مرّة بثبتيلي انّه معي حق ..

    كنت ناوية أحقد عليكِ بالأوّل ع سيرة الثلج ،
    بس والله صرت مبسوطة لمّا قريت ،و بطّلت أحقد ..

    ظلّي اكتبي :)

    ردحذف
  5. نون :
    و هان بيحب تيجي عنا كمان .. و حاضر من عيوني رح اكتب و يارب أكون عند حسن الظن دايما :)

    بس ليش تحقدي علي انا مازا عملت :(

    ردحذف
  6. ههههه فكرك رح يجي يوم اقوم نط من تختي غير بسبب ميار ؟؟
    بجد شعور حلو تصحي على شي جديد وشي ما عشتي قبل
    يوم جديد بشكل جديد بلون جديد
    ياسلالالالام لو نصحى على الامارات بيضا وااااااااااااااو بجد وقتها حقول القيامه حتقوم
    الله كريم شو بدنا نعمل
    لو انا هناك كان ما خبطك بالتلج بخفيف كان خبط خبط واقعد ادحك ههههه
    بعدين شو بدك احلى من كباية شاي بجو بارد
    ربي يجعل كل ايامك فرح وسعاده ورضا

    مينو

    ردحذف
  7. صباح بلون الورد الابيض ، ما في احلى من الثلج وتصحي على الدنيا وهي بتتلج ، ربنا يوعدنا ونشوف الثلج من ثاني ،، بس هلقيت بدنا بس مطر بيكفي والله راضيين بس مطر يا رب مش اكثر من هيك ... خلينا نحس انه الدنيا شتا ...

    ردحذف
  8. الله يهنيكي باللون الابيض
    ما اتمنيتي يكون حدا معك بهاللحظة

    **احمد**

    ردحذف
  9. مينو :
    اه طبعا في سبب يخليك تقومي غير ميرو و هو عزوز ان شاء الله هيهيهي .. و امارات ايش اللي تصير بيضا هادي حرام عليك ماما وين تروح بالبرد .. يا مفترية تخبطي خبط اه طيب ما فيش تيجي عندي يلا هههههه .. ربي يسعد قلبك و يرضيكي دنيا و اخرة :)

    قلم و دفتر :
    ربنا يرزقكم المطر و الخير و كتروا الاستغفار و شوفوا كرم ربنا ما أحلاه :)

    أحمد :
    تمنيت :)

    ردحذف
  10. المنظر جميل أكيد زي طبيعة الانسانه اللي بتكتب وبتحسس الناس بالجو ال عايشاه,وطبعا الاطافيل حلوين بأفعالهم وضحكاتهم
    بالتوفيق في امتحاناتك هديل:)

    ردحذف
  11. أكيد أحلى صباح .... لأحلى هديل موافقة يارب

    ردحذف
  12. 5leel:
    لتحس بجمال الكلمات لازم تكون انت جميل من جوّا .. شكرا لكلماتك الطيبة :)

    Rasha:
    تسلميلي يارب صباحك الأحلى يارب :)

    ردحذف
  13. كيف بتقضي وقتك بالجامعة بالتعامل مع الاصناف الاخري من البشر خصوصا الكاثوليك و كيف بتقضي صلاتك بالجامعة و شو ارائهم و شو رأيك بالحياة الدينية داخل الجامعة و هل تبادل الاحترام الديني موجود بداخل الجامعة ولالا
    **احمد**

    ردحذف
  14. اسعَدكِ المولىُ
    قلم باذخ تبارك الرحمن ،
    دٌعوةُ خاصًة الىَ ملتقَى الأدباء والمثقفيٌن
    هُنَا وَطَنْ الْأَقْلامُ الْحُرَّهْ وَطَنْ الْفِكْرِ حَيْثُ الْضَوْءْ الْمُنِيْرِ . يُشَرِّفَنَا هُطُوْلِ عِطْرُكِ
    وَتَوَاجُدِكْ ،
    http://www.rqeqm.com/vb/
    وَ لَيَكتَمّلَ بُزُوْغٌ فَجَرَ إنْظِمَامَكُمْ فًـ جَمِيْعَ الْابْوَابِ مُضِيِّئَهَ امَامٍ الْاسْمَاءُ الصَرِيحِهُ

    لِلادُّبَاءً وَالْمُثَقَّفِيْنَ

    نَتَشَرَّفُ بِكُمْ

    \

    ردحذف
  15. أحمد :
    إن شاء الله رح أرد على اسئلتك في تدوينة كاملة لانه موضوع كامل :)

    غير معرف:
    شكرا أخي/أختي على كلماتك الجميلة .. و أشكر دعوتك الكريمة في الانضمام إلى ملتقاكم :)

    ردحذف
  16. "بنت بتحب البحر و المطر و العطر و اللون الأزرق .. بنت بكبشة أحلام حلوة بتستناها و هي بتسمع بعدك على بالي :)"

    مستحييييييييييل
    كأنك بتوصفيني انا...بكل شي :)
    حتى في بعدك على بالي

    يسعدني جدا تشريفك مدونتي و تعريفي على مدونتك و اسمحيلي اتابع كل شي جديد عندك و هيني بالطريق لقرأة كل اللي راح علي :)

    ان شاء الله سنة بيضاء عالجميع :)

    ردحذف
  17. Whisper:
    انا كنت بحكي عنك اصلا هههههه .. انا اللي اسعد بتشريفك مدونتي و الله .. دخلت مدونتك اكتر من مرة و في كل مرة كنت استمتع بالقراءة للاخر و اطلع راضية :)
    و يارب عنجد تكون سنة حلوة علينا كلنا و بيضا متل الفل .. عفكرة انا برج الاسد امانة نجحينا :p

    حياة الألم :
    أخجلتيني بكلامك .. مسائك دفا و حلا مع بعض :)

    ردحذف