الجمعة، 11 آذار، 2011

اثنين لا ثالث لهما ..




الموضوع خطييير خطييير خطييييير !!
ما عمري فكرت فيها قبل ..
بعرف انه هو أبونا آدم و هي إمنا حوا ..
و خلص!
بس اليوم اسئلة كتييير طلعت براسي

خلق الله لآدم حواء واحدة !

أبونا آدم عاش عمره كله إلها ؟
 كله كله ؟
 بس هم طولوا بالدنيا !
 كله متأكدين؟
مممممم طب ولاده من وين طالعين بموديل زهقت
 و أجدد شبابي و أغير جو و بلاش خنقة
و الأشياء اللي من هازا القبيل؟

أبونا آدم ما كان عنده صحاب ؟
 كان يحكي و يفضفض لها هي؟
يعني بدعة ابتدعوها ولاده الخرس المنزلي ..
لا حول و لا قوة الا بالله
الله يفك ضيقتهم يارب

"طب و حوا ما كان لها غيره"

يعني حتى إمنا حوا ما كان لها صحبات ؟ا
 مممممممممممم
يعني سيدنا آدم كان يطول باله عليها و يسمعها لما تكون مخنوقة ؟
و يهتم ببرمها العشوائي و يضحكلها لما نفسها تحكي؟
هلقد كان حنون و صديق ؟

ما كان في بنات متبعترة اشي بهدوم و اشي بدون ..
ما كانت إمنا حوا تغار من حد ..
ولا تخاف على أبونا آدم من حد ..
و الله لو كنا بدالها لكيفنا ..
 يزعل ولا ما يزعل ماله غيرها
J

"لحالهم لحالهم"

طيب ما كان نفسهم يكون عندهم ام و اب ؟
طيب اخوة او خوات ؟
طيب جيران ؟
طيب أي حاجة تحكي ؟
ولا حتى راديو ؟
كانوا مكتفيين ببعض

كانوا يحبوا بعض؟

شو قلها لما شافها أول مرة ؟
و كيف كان لقاءهم بعد ما تفرقوا بس نزلوا الأرض؟
عمرهم تخاصموا ؟ كيف تصالحوا ؟
كان في ورد عالأرض؟
هم كانوا بيعرفوا كلمة "بحبك" ؟

سمعاك يلي بتقول مش ملاقيالي شغلة أنا
بالعكس علي مليون شغلة و الله
 J

هديل
اللي قررت لما تقابلهم في الجنة باذن الله تسألهم كل شي كل شي 

هناك 23 تعليقًا:

  1. ههههههههه لا رائعه يعني فكره حلوه
    كانت اسئله مثل هيك تخطر فبالي بس اهم سؤال انتي مش حاكيه عنه يا خساره
    http://nsever9.blogspot.com/
    هاي مدونتي الجديده لسه ما الي زمان بكتب بس بنصير نتبادل افكار اذا ما كان عندك مانع

    ردحذف
  2. شحرور البس11 آذار، 2011 5:21 م

    يابنتي سيبك من الكلام هادا
    الايام هادي في برشلونة ودي في دي وبلايستيشن
    قال بحبك قال ....

    ردحذف
  3. ههههههههههه والله أشي بضحك.. كيف خطر على بالك؟!
    لا اتطمني لسة في آدم كتير..

    ردحذف
  4. كما العادة.. ابداعك بلا حدود هدول.. افكارك دائما ملهَمة، و دائما هنالك لمحة الرومانسية، التي هي جزء اصيل في شخصية "هدول اللي بعرفها" ^__^
    ان شاء الله سوف تجدين آدمك، و لربما يكون كما ابونا آدم بذات الاخلاق و الصبر و الرومانسبة_ إن صح التعبير_ انا أثق يا هدول بانك سوف تجعلين من "نصك التاني" آدم حقيقي، إن كنت انت حواء حقيقية ;) ^__^
    أحب خيالك الخصب و ابداعاتك الرقيقة.. ارجوك لا تحرمينا من ثرثرتك الراقية ابدا هدول ^__^
    Asmaa A.K Jouda

    ردحذف
  5. افكار و تساؤلات غريبه وجديده وما عمرها خطرتلي
    غيّرت رأيي....ما بنشبه بعض 100%..... 89% يمكن :)

    بعد بقديش اجو الاولاد فكرك؟؟؟
    و هل انشغلو بالتربيه و الاولاد و زواج الاولاد؟؟؟
    هاتي يخلصو الاسئله هلأ :$

    ردحذف
  6. خاطرة جميلة
    تنم عن خيال خصب
    و مشاعر متدفقة
    استمري ...

    ردحذف
  7. حلو يا هديل ........ خليك هيك على الطول

    ردحذف
  8. ههههههههه دحكتيني صدقي انو شو خطر على بالك كل هاد
    مش بحكولك لكل زمان احنياجاتو
    هم زمانهم ما كانو محتاجين لا جاره ولا صاحبه تطلع عالمول معها ولا جاره تحش بنت حماتها ولا بدها حد لان مافي شي اصلا انا ما كنتش عارفه ايش بيعملو بحياتهم طول الوقت اصلا

    بس مش غلط اساليها
    بس انتي لو سالتي ستو حتقولك هي نفسها باستراليا وضل لحالها مش يمكن ستنا حوا هيك مابدها حد هههه
    ام يامن

    ردحذف
  9. والله فعلا يا هديل

    سبحان الله العظيم

    ده اكبر دليل ان المتاعب والانشغالات والاعذار

    احنا اللي بنخلقها

    تسلمي حبيبتي
    :)

    ردحذف
  10. اسئلة كتير حلوة وبجد بتحير احنا عنا كل الدنيا وصحاب واهل ومع زلك دايما زهقانين والرجال مش مكفييهم مرة وحدة وام وشي 5 او 6 خوات وال بدهم مثنى وثلاث ورباع
    بس يجاوبوكي ياهديل احكيلي شو بيحكوا المهم كلنا نكون سوا بالجنة

    ردحذف
  11. صداح البرغوثي:
    أهلا و سهلا بشرفني مرورك و التعرف على مدونتك :)
    بس شو هو السؤال اللي نسيته ؟؟

    أحمد ميري:
    فكرك عنجد في آدم متله يعني .. ربنا يسمع منك :)

    أسماء جودة:
    حبيبتي انتي .. و الله أخجلتم تواضعنا بزوقك و كلامك الحلو .. و آدم أفندي ان ربنا بعته حعمل اللي يخلص ضميري معاه عشان الاقي شي يشفعلي و يطوّل باله عليّ لما يجن جناني (مصلحة طبعا هههههه)
    و على الثرثرة فان شاء الله حثرثر و اثرثر و اثرثر لما تقلولي خلص بكفي دوشتيا :)

    ردحذف
  12. وسبوورتي:
    تصدقي معك حق ما وصلت انا لهناك في تساؤلاتي ؟؟
    معقول انشغل عنها بالاولاد و الشغل ؟ طيب لما اجاهم احفاد كيف كان الجو هههههههه
    هو نقضان نسبة التشابه اشي مش منيح ولا كيف ؟؟؟؟

    أحاسيس متناثرة :
    الجمال يبدأ عند القارئ أولا
    شكرا لمرورك الطيب :)

    رشا :
    يحلي ايامك كلها يارب
    سعيدة بمرورك :)

    ردحذف
  13. ام يمووون:
    يييييييي ما كان في مول عندهم كمان !!
    لا حول ولا قوة الا بالله ؟
    طيب كيف كانوا يجيبوا اواعي البيبيهات ؟
    لازم لازم اسأل عن التفاصيل أنا :)
    حبيبتي انتي و ستو :D

    تخاريف مترجمة:
    و الله كلامك صح
    احنا اللي جايبين وجع الدماغ لنفسنا
    ما هم كانوا عايشين و مبسوطين
    و ما كان لازم مدونات يفضفضوا فيها كمان
    سعيدة بمرورك انا :)

    كاترين:
    ان شاء الله كنا بنكون بالجنة
    و بنتفق سوا سوا نروح زيارة لامنا حوا
    و نسألها كوووووووووول اشي :)

    ردحذف
  14. شحرور البس :
    أنا سبت الرد عليك للاخر عشان اصحصح !
    طبعا إلك كل الاحترام انت و البرشا
    خصوصا بعد الفوز الأخير اللي شرشحوا اهل الارسنال فيه ..
    بسسسسسسسس !!!
    حرام عليك
    حرام عليك
    و الله حرام عليك !
    حدعيلك الليلة ان شاء الله :D

    ردحذف
  15. شحرور البس12 آذار، 2011 1:28 م

    وليش يتعامل زي ان متخيلة طالما :
    "ولو أحسن الرجل إليكن الدهر ، ثم رأيتن منه يومًا سوءًا لقلتن: ما رأين منك خيرًا قط "

    فخلاص ... الراجل يكبر وينسي
    ويشجع برشلونة
    :D:D

    ردحذف
  16. لانه الكهربا ممكن تضل قاطعة فوريفر و ما يشوف برشلونه و لا حلزونة :D :D

    وبيصفى ماله غيرها و مالها غيره ..
    و ان نسيت "يوم الطين" في ساعة غضب :)

    ردحذف
  17. ياة يا هديل ازاى الفكرة دى جتلك بجد يا بختهم روقان وراحة بال وهدوء ولا شغل ولا مسئولية
    راحة وجنة ونعيم
    فكرة جميلة وتسأولات بس ملهاش اجابة

    ردحذف
  18. هدول تسلميلي على الحكي الحلو .. بتجنني وافكارك بتجنن بتخليني احس بالأمل بكل شي .. اشتقتلك

    ردحذف
  19. انا ما كان عاجبني هالنقصان....لكن بيني و بينك ولمصلحتك.....بلاش يكون 100% :$
    الحياة كانت صعبه 10 شويات علي ....الحمد لله :)
    ربنا يحلّي و يهون عليكي الايام يا رب :)

    ردحذف
  20. هبة:
    برغم كل شيء ما اعتقد انهم كانوا بدون شغل و مسؤولية .. سيدنا ادم كان نبي .. و حوا كانت ام و زوجة ..
    مرورك اسعدني عزيزتي :)

    نرميييين:
    يا الله شو مشتاقالك انا .. انتي و صبرك اللي شهدته هما اللي بيكبروا الامل جواتي :)

    وسبوورة :
    الله يهونها عليك و علينا .. دار مؤقتة و امتحاناتها شغالة .. الله يطلعنا منها ع خير ..
    هي التدوينة اوحت انه انا بنت فايقة و رايقة هلقد ؟

    ردحذف
  21. صباحك سكر هديل

    ومرة مبسوطة لاكتشاف مدونتك

    وبجد موضوع حلو بس كيف اجت على بالك الفكرة

    بس الحلو انه فكرتي برومانسيتهم

    وحنان سيدنا ادم عليها

    وماكان لهم غير بعض

    يعني اليوم الوحدة تقول لحبيبها

    اسرقني لجنة مافيها ناس انت وانا بس


    هههههههههههههه

    فين الجنه دي

    ولما يسرقها وكم يوم ويطلع الزعل

    حتقوله رجعني ههههههههه

    بس تفضل الرومانسية اجمل حاجة

    والحب احساس مانقدر نعيش بدونه

    بجد هديل حاسة براحة في مدونتك

    ماعرف ليه

    تقبليني صديقة ويارب صباح حب وسعادة

    تحياتي

    ردحذف
  22. همس الحنين :
    صباحك و مساك فل الفل ..
    مو بس الاحساس الحلو اللي ما بنقدر نعيشه بدونه ..
    بس حتى الزعل و الصلح بعده ما فينا بدونه كمان :)
    سعيدة بمرورك و باحساسك بالراحة هون
    واعتبري المدونة مدونتك
    و صداقتك بتشرفني :)

    ردحذف
  23. يا ترى شو المفروض يقول الادم منا لحواءه لو حس انو في واحد ثالث بينهم وصار مش عارف هو مين؟

    يا ترى يفضفض و يقولها انو غارق في دماء جرحه؟

    ولا يخبي عنها زي كل مرة عشان ما يزعلها و يشغل بالها؟

    شكلوا ما عاد في مكان للأوادم في هالدنيا !!

    ردحذف