السبت، 24 أيلول، 2011

كفى .. كفى .. كفى



هل من ربيع ولا أيلول ولا أي شي .. يكفكف موتك يا فلسطين ؟



هل يسمح العالم لاسرائيل أن تواصل آخر احتلال بالعالم ؟
نحن آخر شعب محتل .. هل يسمح أن نبقى محتلين للأبد ؟

أوقفني وصفنا بآخر الشعوب المحتلة .. طويلا 
و كأني لأول مرة بعرف أو ما كنت ماخدة بالي !
هل سيرتدي لك العالم وجها من خشب .. مجددا ؟
و يقتبس لك من مجنون ليبيا استهباله
"where is the question?"


جوهر الازمة في منطقتنا بالغ البساطة و الوضوح
و هو إما أن هناك من يعتقد أننا شعب فائض عن الحاجة
 
و إما أن هناك في الحقيقة دولة ناقصة ينبغي المسارعة إلى إقامتها

جيوش من الوجع احتشدت في صدري في كلماتك الأنيقة يا عباس
كيف فضنا عن الحاجة ؟ و كيف أسقطنا من الحسابات ؟ 
تخاذلنا و خذلانهم .. تخاذلنا و خذلانهم .. تخاذلنا و خذلانهم
بهاتين ضيعنا مسراك يا رسول الله و وصلنا لما وصفت 
 بتنا غثاء السيل و ما نحن بقلة ..
غثاء و الله !


واقفون هنا
قاعدون هنا
دائمون هنا
خالدون هنا
و لنا هدف واحد واحد واحد أن نكون و سنكون

فكرك لو درويش فوق التراب لا تحته 
كان شو قال و هو شايفك بتطالب ب"اسمنا" بدون ما تسألنا
نوقف و نقعد و ندوم و نخلد على 22% من أرضنا ؟
على وطن مبتور .. وطن من الذل اتصدقنا ببقيته !
هدفنا أن نكون أسياد وطن ال 48 مش ال 67 
هدفنا عدل مطلق مش عدل جاييه شلل نصفي
نكون ايش اللي جاي تحكي عنها !

و على رأيك
كفى .. كفى .. كفى


هديل
اللي لو مش : فلسطينية + مهاجرة + في الشتات + ماكلة هوا
لعيطت على خطاب نتنياهو اللي لاقى خاتم العيلة !


هناك 13 تعليقًا:

  1. حبيبتي ده قدر وربنا سبحانه وتعالي وعدنا بالنصر وجعله آية وعبرة اصبر وماصبرك الا بالله
    هوني علي نفسك كل شئ بقدر :)

    ردحذف
  2. صدقى ما عادت تفرق معى ياخدوا فلسطين كلها او اكتر او اقل مو فارق ازهقناااااااااا

    ردحذف
  3. صحيح انو اللي بصير بالمحافل السياسية اليوم بكون مستفز غالبا ومش جاي على كيفنا وبيعصبنا وبيبكينا بأوقات لمن يكون عبارة عن طعنة من ابن بلد أو ابن أمة بس يمكن تضحكوا عليا لو قلتلكم انو كل يللي بصير بهالمحافل الأسطورية هاي ما بعتبروا حقيقة وبضل عطول حاطة براسي فكرة وحجة وهي انو كل هالناس السياسيين اللي بوقتنا الحالي ماهما الا عبارة عن مسلسل كاذب راح يخلص بكرة أو بعدو وراح تبلش الحقيقةتتجسد بظهور رجال متل صلاح الدين ومتل خالد بن الوليد اللي راح يخلوا ان شاءالله عباس أوأمثالو يشعروا بمدى صغر حجمهم ويضطروهم للهروب من وجه السياسة الحقيقي مش السياسة اللعبة أو المسخرة متل اللي عمالنا بنشوفها وما بعتقد انو بظل هالوعي الاسلامي الحالي انو هاليوم ممكن يطول أكتر يعني ان شالله لو بعدت كتير بنشوف هاليوم واحنا ختايرة او بيشوفوا ولادنا واخوتنا الصغار قولواآمين

    ردحذف
  4. بتعرفي ما في كلام بعد كلامك No comment....

    ردحذف
  5. تدوينة حزينة .. تشبهنا يا هديل !

    ردحذف
  6. اعجز يا هديل عن التعليق
    ليس امامنا سوى الدموع
    لكن هل دموعنا قادرة على اغراقهم
    نعم هى قادرة على اغراقهم
    لكننا لن نحاربهم بالدموع
    ناصر قال ما أخذ بالقوة لا يسترد الا بالقوة
    يجب أن نتمسك بالامل

    ردحذف
  7. صباحك غاردينيا هديل
    هو حقاً وجع مؤلم جداً ولكن لا نملك
    سوى الدعاء أن يكون الغد أجمل
    كوني بخير "
    ؛؛
    ؛
    لروحك عبق الغاردينيا
    كانت هنا
    reemaas

    ردحذف
  8. عزيزتي هديل
    تدوينتك حلوة بس انا بختلف معك
    انا مع الاستحقاق وبرأيي احنا هلأ الطرف الضعيف بالمعادلة. شو المشكلة لو هلأ اخدنا 22% وبعدين من موقع قوة بنرجع الباقي.
    إسرائيل لما اعترف العالم فيها بال 48 ما كان معها إشي من الأرض وحسب اللي هلأ بيصير اسرائيل كمان سنتين تلاتة بيصير معها كل الأرض. المقصود انه فش اشي بيجي كامل لازم بالتدريج
    وبالنسبة لأخد رأي الشعب.. عفوا بس لو انتي مكانه في موقع اخذ قرار شو بدك تساوي؟ الشعب مش كله وطني متلك يا هديل!! في ناس عملاء وفي ناس إلهم مصالح خارجية وناس بيعارضوا لمجرد المعارضة عشان هيك برأيي حتى لو انعمل استفتاء ما رح نستفيد إلا زيادة انقسام فوق الانقسام اللي احنا فيه.
    احترامي لوجهة نظرك :)

    ردحذف
  9. Carmen :
    الحمد لله على كل حال يا كارمن .. بس ربنا وعد بالنصر ان نصرناه .. احنا ناصرين ربنا و دينه و شريعته و نبيه ؟
    شكرا لتواجدك عزيزتي ولا أفجع الله مسلما في وطنه :)

    ابتهال:
    ما تقولي هيك أمانة .. هما هاد اللي بدهم ياه
    بدهم يزهقوكم و يطلعوا عيونكم عشان تقولوا مش فارق
    بس و الله فارق .. رغم كل البهدلة بس فارق ..

    وردة الدار :
    خايفة المسلسل اللي بتحكي عنه هاد تكون نهايته مأساوية و خايفة يطوّل في جيته البطل الحقيقي لهالمسلسل الهندي .. و خايفة لا انا و لا ولادي نشوف يومين حلوين في "بلدنا" قبل ما نموت ..
    لمرورك جمال خاص به .. لا تحرمينا طلتك الحلوة :)

    ردحذف
  10. سكر زيادة :
    مرورك نوّر صفحتي .. و اذا على الكومنت بسيطة .. ان شاء الله بتفرج و بنعبي الدنيا كومنتات :)

    وجع البنفسج :
    و فلسطين متلنا حزينة يا امتياز :(

    ابراهيم رزق :
    بيني و بين نفسي
    و بين المقربين من نفسي
    اقول "المقاومة هي الحل"
    بس هيك بسمّوني متطرفة أنا و ناصر !

    ردحذف
  11. ريماس :
    يسعدني مرورك و تواجدك العطر عزيزتي
    و ان شاء الله بكرة تفرج يارب :)

    راما :
    لاختلافك معي كل الاحترام و احنا ديمقوراطيين اخر حاجة هون و اختلاف وجهات النظر لا يفسد للود قضية :)
    بس يا راما مين قال انك بعد ما ترضي بالقليل رح تاخدي اكتر ؟

    ردحذف
  12. بغض النظر عن وجهة نظري في الموضوع اللي هي إلي حد ما عكس وجهة نظرك :)

    بس طريقة سردك للامور رائعة !!
    أستمري :)

    ردحذف
  13. عزيزي أحاسيس متناثرة ..
    و إن كانت وجهة نظرك تخالف وجهة نظري
    لا زال مرورك بنا يزيد السرد روعة و جمال :)

    ردحذف