الثلاثاء، 5 تشرين الأول، 2010

على حفة الكرسي


فكركم أرَوّح بالطيارة و لا استقل الباخرة ؟؟؟



كان هذا الموجز .. إليكم التفاصيل J


عارف لما تكون قاعد على طرف الكرسي آخر زيارتك لحد ..
و بدك تقوم بس مستنيه يخلص كلامه .. هادا أنا .. بدي أقوم !
تقول حد جايبني بالعافية و محملاه جميلة قعدتي ..
مش كانه أنا اللي استخرت و أنا اللي قررت !

لما خالتو "الحنونة" قالتلي "تعي نجيبلك رقم موبايل عشان لما تطلعي ما أقلق عليك" ..
باغتتها بالرد "مهل يا خالتو يمكن أروح و اكلمك من بيت أهلي " ..
و يا حرام علامات التعجب ارتسمت على محياها الجميل ههههه
و لما يتأخر عليّ الباص و انا بستناه بالبرد أقعد أغني " كان ايه اللي رماني عليك " ..
و لما يفتري عليّ البروفيسور بالشغل و هو عارف عندي امتحانات و يقلي
I’m sorry Hadeel you’r gonna have a busy weekend
أضحكله و بعقلي أقول " و الله بالاخر لأمقلبك و أقدم استقالتي و شوف مين يساعدك يا أفندي"

و اليووووووووووم عاد كان مسخرة المساخر
عندي مادة دسمممممة و هاد اول امتحان دكتوراة قال يعني ..
و انا من الاسبوع اللي فات جاية على نفسي و طابعة كل الورق
و حطاه حوالي اشي على التخت و اشي على المكتب و اشي تحت المخدة..
وبحاول ادخل نفسي في المود تاع الدراسة (خرج و لم يعد قليل الأصيل!!)
و أروح الامتحان اليوم عشان ألاقي اسئلة هبلاااااااااااا بس مش من الكتاب:

مين مخترع الايميل ؟
مين مخترع الماوس؟
مين مخترع الويب؟
مين مؤلف كتاب المادة؟

أنا قريتهم و قعدت أضحك .. نعم يا ماما ؟؟؟ نعم يا حبيبي ؟؟؟
بالزبط كيف تدرس عن صناعة صاروخ و تركيبه من جوا و برا
و ما يسألوك اشي غير مين اللي عمل الاسفلت تاع قاعدة الانطلاق !!!

ااااه ايش قلتو ؟
اتأخر الوقت و لازم نمشي ؟
و لّا بدري ؟


5 اكتوبر 2010
هديل


هناك 9 تعليقات:

  1. ايوااا شكلو عمو الامور بستهبل ولا ايش
    انا كان حكتلو لما تكون عارف انت الجواب بعدين اسالو
    الله المستعان على قولة ابله نوال

    الله يوفقك ويعينك على المفترين وكوام الورق

    مينو

    ردحذف
  2. ههههههههه
    يبدو انو الاخ عايز يوصل رسالة .. انو الدراسة للدكتوراه غير شكل يا حبايب ! دراسة ريسيرش وناس عايزة تعرف مش مغصوبة على الدراسة هيهيهيهي والكلام الك يا جارة طبعا :D
    لأ هو شعور الحفة هادا الو ايجابيات انو بتحسي حالك حرة وانو باي وقت بدك تمشي بامكانك تمشي .. بس بينك وبين حالك هتصيري تقولي .. يمكن قلة زوق امشي هلأ .. طب لأ خليه يكمل القصة .. ولما يخلص تلاقيه بدا يحكيلك بقصة تانية شكلها ممتعة .. فاتقولي مش هاتيجي على هالربع ساعة فاتضلي قاعدة تسمعيها .. وهكزا
    ولما تقومي تروحي فعليا هاتلاقي حالك قعدتي لنص الليل اصلا وانتي مش ماخدة بالك

    ردحذف
  3. منيح ما سال مين اللي اخترع زر اطلاق الصاروخ
    هيك العلم يأتي من حيث لا تتوقعيه
    والاحلي انك تتماشي معه و تجاريه

    **احمد**

    ردحذف
  4. مينو:
    اااااه ثم اااااه هلأ عرفت ليش دكاترة الجامعة بيكونوا معقدين من اللي شافوه بحياتهم ههههههه
    ادعيلي ربنا يطلعني من هالقصة على خير :)

    علا:
    هو هاد بالزبط اللي أنا خايفة منه .. خايفة لانه عيب و لا طولي بالك و لا اجت القهوة الدنيا تليّل عليّ و ما عرفش أروّح بيتنا تاني !
    انا نفسي اجي الافينيو و نتحدت ينفع ؟

    أحمد :
    انت عارف انا فعلا بعد الامتحان طلعت ادور على الاسماء اللي ضحكني سؤاله عنها و اعتقد انها ستعلق بذاكرتي لفترة .. بس مين اللي اخترع زر الصاروخ صحيح :)

    ردحذف
  5. ههههههههههههههه

    و الله العظيم اني بحبك
    و نفسي احضر لك محاضرة ،،،

    حزري مين أنا ؟!

    ردحذف
  6. ال ،،، اللي ورا بعض بعرفهم منيح وما بتوه عنهم أنا :)

    ردحذف
  7. ولساتك في أول المشوار
    المرة الجاية لازم تذاكري القشور وسيبيكي من المادة
    بس بدري على الرواح

    ردحذف
  8. مشيًا على الأقدام
    :)

    قلبي معك يا هديل
    ومن الآن بستنى اللحظة اللي هتدوّني فيها عن الشهادة الجاية!

    ردحذف
  9. أماني :
    هدول شكلهم على رأي إمي بدهم يانا ندرس من الجلدة للجلدة .. انتي شايفة انه بدري يعني :)

    متشرد:
    أنا فكرت بالخيار تع المشي بس الدنيا برد هلأ :)
    و ضحكت بجد لما قريت عن تدوينة الشهادة انت هلقد متفائل D:

    ردحذف