الاثنين، 28 شباط، 2011

كروموسوم واحد ..




المنبه مرة تانية .. ييييييييييه علينا هو احنا لحقنا ..
يا حبيبي الدنيا الصبح ..
استنى  شوي ..
استنى ..
استنى بقلك ..
اففففف طيب .. قمت قمت !
بالله مين فيكم بيقوم بسرعة و نشاط و حيوية و مبتسم ؟
لو تهورت و قلت أنا .. حتلزمك رقية شرعية أنا حذرتك !

أطل من الشباك .. عتمة و مطر و زوابع برا ..
مممم معناها لازم مظلة صديقنا سنبل و كعب عالي ..
بس على مين حتنبلي يعني حتنبلي يا ماما ..
مهو أنا بمشي 20 دقيقة للمحطة ..
و بينما أنا غارقة في المي و الأفكار الممتعضة المعترضة
وصل الباص و اخترت لنفسي مقعدا ..
وركبت مجموعة من المحطة اللي وراها ..

ليش هاد بيطلع هيك و حركة عيونه غريبة ؟
و ليش هادي بتعيط و شكلها خايف مع انها كبيرة ؟
و ايش كبشة صور المغنيين المبلولة اللي متبت فيهم هاد؟
لعند ما ركب المصاب بمتلازمة داون !
هلأ فهمت L ..
جروب من ذوي الاحتياجات الخاصة ..
لا حول ولا قوة إلا بالله ..
و شردوا كل بنات أفكاري
و ضلت وحدة تقولي
"ضايل شي مش عاجبك ولا كيف؟"

و بعد ما خلص هالدوام اللي طلعني من تختي ..
رميت بما تبقى مني على الكرسي في محطة الباص من تاني ..
نعساااانة و بفكر في اللي ناسيني و ناسية اللي فاكرني ..
و "أنا مو تعبان أنا دنيا من التعب محتاجك أبيييك "  شغالة في الباكجرواند عندي ..
و فجأة واحد نط من على الكرسي ووقف و قعد يطلع بخوف على الارض ..

لحظة عشان أنا نصي نايم :
مراهق مصاب بمتلازمة داون !
تاني !
و سنجوب جاي ياخد بقايا بسكوتة تحت الكرسي ..
قمت خبطت على الأرض .. و شرد السنجوب المتوحش
و ارتسمت ابتسامة شكر و امتنان على وجه المراهق للبطلة "أنا"
و سرحت ..

بدأ اليوم برسالة و انتهى بنفس الرسالة
يا الله ما أضعفنا ..
كروموسوم واحد يغير حياتك ..
يا الله ما أجهلنا ..
لولا فضل ربنا كان ممكن أكون أنا
أو انت .. أو حد بنحبه ..
الحمد لله ملء القلب !

لو ما فيش محطة باص و ما فيش  انتظار
و ما فيش ناس أراقبهم و لا دنيا أتأملها ..
لراح علي كتير !


هديل



هناك 20 تعليقًا:

  1. انا بقومش بنشاط ابدا بالعكس بلعن ابو الساعه الي بتصير فوق ال١٠ وبقوم غصب عشان ما ينقالي مسا الخير بس برضو بتنقال :‏)‏ الحمدلله انو خلقنا بأحسن حال واحلى تحيه لسنجوب المتوحش ٠ أم نيمو

    ردحذف
  2. انا عندي مشكلة مع المنبهات ، باخليها شغلانة جوزي ، هو يحط ع المنبه وهو يصحيني لصلاة الفجر ، الحياة اجمل بدون منبهات .
    بالنسبة لقصة الكرموسوم ، كثير كثير باشوف حالات زي هيك ، وباحمد ربنا على النعمة اللي احنا فيها ، الحمدلله على النعم اللي احنا فيها ...

    ردحذف
  3. بس انا بحبهم عمري ما شفقت عليهم
    حياتهم غير حياتنا نظامهم مختلف عنا صح عمري ما تمنيت اكون مصابه بمتلازمه داون او اي حد احبه يكون مصاب فيها
    بس لو صار و تعاملت معهم التعامل معهم لطيف هم ابرياء طول عمرهم بتشوفيهم بتحبيهم بيفوتوا القلب من غير استئذان
    بزعل لما الناس تلاقيهم بيطلعوا عليهم بنظرات شفقه
    كان ممكن انتا تكون محلهم
    بفرح لما الناس بتفكر و بتحمد ربها على نعمته
    حلو انهم غيروا يومك يا دكتورتنا ربنا ما يبلي حدا من احبابك
    و يوفقك في مشوارك

    ردحذف
  4. رأيي البريئ ان الحياة مع المنبهات مملة جدا ^ــ^

    الحمد لله على خلقنا بافضل هيئة وحال

    انا كمان بحبهم خالص وبحب معاملتهم بس ف وقت نفسيتي تتحمل اني اتعامل بلطف

    تسلمي حبيبتي هديل

    البوست عثل :)

    ردحذف
  5. اولا اكتر حاجة في حياتي اكرهها ان حاجة تزن في وداني وانا نايمة حتي لو بني ادم ^_^
    ثانيا الحمدلله علي كل شئ وعلي نعمه الكثيرة علينا واكيد كل واحد ربنا سبحانه وتعالي خلقه في احسن هيئة له
    تقبلي تحياتي

    ردحذف
  6. شحرور البس1 آذار، 2011 9:26 ص

    انت متأكده انه ركبتي في الباص الصح يما ؟

    ردحذف
  7. ام نيمو :
    فاكرة نغمة "سيدة عمري الفاضلة" .. أظن عمرك ما رح تنسيها قد ما صحتك انت و انا ضليت نايمة ههههههه .. بكرة بيجي اللي يصحيكي طول الليل بالسلامة و تصحينا كلنا بما انك صاحية و صاحية يعني :D

    وجع البنفسج:
    ممممممم يعني ما الي حل غير اتزوج عشان المنبه يروق و يهدا و لا كيف :p
    عنجد الناس هادي تذكير من ربنا إلنا بنعمته علينا .. الحمد لله دايما و ابدا :)

    ردحذف
  8. نور :
    كيف و انا اعرفك بدون ما توقعي ;)
    فعلا يا نور هدول ناس ابرياء عطول و ما عندهم غير هالبراءة .. و من هون بتزعلي عليهم .. دنيتناما بينفع فيها هيك .. عن نفسي لا ابدي شفقة و لا احدق بهم النظر .. بس لو اجت عيني بعينهم بضحكلهم و بحسسهم انه عادي ما في شي ..
    مرورك نوّر المنطقااااااا :)

    تخاريف مترجمة:
    فعلا الحمد لله على الخلقة التامة اللي ربنا اكرمنا بيها .. و اللطف ضروري جدا مع الناس هادي عشان ما نكسر بخاطرهم ..
    انتي و مرورك اللي عثثثثل و الله :)

    ردحذف
  9. كارمن:
    الزن اللي بيجي من البني ادمين و احنا صاحيين بيرفع الضغط .. اكييييييد و احنا نايمين حيكون متعب ..
    مرورك اسعدني :)

    شحرور البس:
    من انتم ؟ من انتم ؟؟؟؟؟؟
    :D

    ردحذف
  10. جميلة جداً هذه المدونة عموماً ...
    تعبيراتك ومواضيعك .. جدُ مميزة...

    ردحذف
  11. أحاسيس متناثرة:
    الجمال بيجي من عندك ..
    و بيمتد حتى ترى مدونتي جميلة ..
    سعيدة بمرورك أنا :)

    ردحذف
  12. المنبة ممكن تتخلصي منة
    بس منبة الضمير شو تقدري تعملي فية
    **احمد**

    ردحذف
  13. انا من اللي بس يرن المنبه بقوم فورا...بس لا بنشاط ولا مبتسمه لاني بحط المنبه بعيد عني لاجبر حالي اقوم اطفيه :)

    الحمد لله على جميع نعمه....فعلا هاد اشي كتير بسيط ليعرف الانسان عجزه امام قدرة الله سبحانه وتعالى
    ربنا يشافي و يعافي كل مريض و يهون عليهم الحياة يا رب

    صباحك و مساعي مسك و عنبر يا رب

    ردحذف
  14. أحمد:
    منبه الضمير يمكن يمنع الواحد ينام بالليل بس ما بصحيك من النوم الساعة 7 الصبح :)

    Whisper:
    جربت الطريقة تعتك و صرت اقوم اجيب المنبه اطفيه و احطه تحت الغطا معايا .. بدي اناااام .. فما نابني غير المشوار ههههه .. يسعد اوقاتك ويسبرتي :)

    ردحذف
  15. الله يرحمنا برحمته!!
    النوم سلطان!!
    و شو بالنسبة للباصات اللي بتطلعي فيه؟
    و تقبلي مروري!!

    ردحذف
  16. Ahmad Merie :
    هادي باصات من البيت للجامعة و من الجامعة للبيت .. بدل ما نمشيها مشي .. مرورك نوّرنا :)

    ردحذف
  17. و انّه نشوف النّعمة و نحسّ الحكمة ،
    و يصير قلبنا غرقان بالامتنان و مش عارف يشكر ع ايش و لّا ايش .. هاي أكبر نعمة :)

    ..

    هديل ، بفكّر اكتب جملة و اخزّنها عندي ،و اصير انسخها و الصقها هان بصندوق التعليق كل مرّة !:

    اسلوب و فكرة خفاف عالقلب بيطيروا القلب و بيثبتوا العقل .
    تسلمي من كلّ شر :)

    ردحذف
  18. الحمد لله اللي عافانا مما ابتلى به كثيراً من عباده
    يعني الواحد فينا كامل جسدياً وعقلياً ومش عاجبو :\
    الحمد لله
    وبالنسبة للمنبهات , ما في احلى من النوم للظهر xD

    ردحذف
  19. نون :
    حاسة حالي بعرفك عنجد .. كل مرة بتكتبي تعليق بضغط عاسمك يمكن يوديني عمكان يقلي شفتي قلتلك اني بعرفها .. نظرتي الى ما لم يلتفت اليه احد سواك و هاد عمق أحييك عليه :)
    مرورك عندي نعمة بشكر ربنا عليها كمان .. دايما تعي عنا :)

    d3mha :
    لما بتاخدنا الدنيا بنغرق باطماعنا .. بدي هاد و هاد و هاد و هاد و ليه ما عندي من هاد (مش كلها اطماع مادية) .. و بننسى انه عندنا اشياء كتير غيرنا محروم منها .. و لما نتزكرها بتحس بخجل من ربنا اللي مكرمك و انت مش ماخد بالك .. الحمد لله
    و النوم للضهر هاد ترف لا نقدر عليه :)

    ردحذف
  20. سعيده انا بمروري من هنا وتعليقي وكمان كتابتك قريبه للقلب
    شكرا علي التذكره
    و الحمد لله علي كل حال

    ردحذف