السبت، ٢٠ آب ٢٠١١

Flagman :)



مصر يا أم المفاجآت الحلوة اللي زي المطر في عز العطش .. 
يا أم الأمل اللي نفسنا نحس فيه و يقلنا اخواتكم جايين استبشروا .. 
يا أم الخير اللي بنترجّاه من أهلك الطيبين اللي وصانا فيهم الرسول .. 
يا أم البركة اللي أهدتنا دمعة فرح في فجر رمضان ..
رمضان اللي فطّرونا اليهود فيه على دم و رعب و قصف .. 
يا أم أحمد الشحات اللي حرق علم المجرمين اللي حرقوا 
و بيحرقوا قلوب امهاتنا على زغار في الأكفان .. 
بربك يا أم الدنيا طيبي من آثار فرعونك 
طيبي و تعالي خدي بإيدنا الممدودة بقالها عمر من القهر و الخذلان .. 
تعالي يا أمنا و طبطبي على أكتاف تعبت من شيل شباب زي الورد للقبر .. 
تعال يا أحمد انت و كل اخواتك نروح الأقصى سوا ايديكم في ايدينا 
و اطلع فووووق القبة حط علم تطهرنا من نجاسات بني صهيون و أذنابهم ..
اطلع و علمنا نطلع زيك مش بس على الحرم لا و على كل بيوت قدسنا و قدسكم .. 
تعال مع اخواتك نزين شوارعنا العتيقة المحتلة بكعوب الطهر و الشرف و الحرية .. 
أمانة .. تعالوا فلسطين و ولادها و أنا أولهم .. 
محتاجينكم و بنحبكم !

هديل 
الفلسطينية اللي شربت من نيلها .. و بحنّلها :)


هناك ٦ تعليقات:

  1. الارض بتتكلم عربى و قول الله
    ان الفجر لمن صلاه
    ما تطولش معاك الاه

    الارض الارض الارض
    الارض بتتكلم عربى

    الارض بتتكلم عربى من حطين
    رد على قدس فلسطين

    الارض بتتكلم عربى بوجد و شوق
    الفرع اللى يهم لفوق
    لاجل الجذر يشم الضوء

    الارض بتتكلم عربى و لا ترتاح
    واصل كالسيل الفتاح
    فتحك يا عبد الفتاح

    الارض الارض الارض
    الارض بتتكلم علابى
    اصلك ميه و اصلك طين

    يا سلام يا هديل و الله العظيم عينى دمعت و لا استطيع التعليق على كلامك
    يا سلام يا هديل لو شفتى الاعلام المصرية و الفلسطينية امام السفارة الاسرائلية فى مواجهة علم وحيد نجس
    هى رسالة الى كل الجالسين على الكراسى اتحدوا
    خلاص الجذر شم الضوء و هم لفوق و الفجر لنا بعد ان نصليه لتحقق نبوءة عمنا فواد حداد

    تحياتى و تقديرى

    ردحذف
  2. تعال مع اخواتك نزين شوارعنا العتيقة المحتلة بكعوب الطهر و الشرف و الحرية

    كتير عجبتني كلمات و هزتني من جوا أكتر من ما بتهزنا صواريخ أف 16

    تقبلي مروري

    رشا

    ردحذف
  3. ياه زرعوا الفرحة والبسمة على وجوهنا .. ربنا ينصرهم يارب .. نصرهم هو نصرنا ..

    يا الله قديش باحن لمصر وشوارع مصر ونيل مصر وكورنيش مصر ..

    ربنا يفرحهم يارب ويجعل كل ايامهم اعياد وفرحة ويكمل ثورتهم على خير ..

    ردحذف
  4. المصريين ، رجال ، أكترمن أي حد ، فعلا هما أهل النخوة

    ردحذف
  5. ابراهيم رزق:
    اقشعر بدني لكلمات فؤاد حداد التي اخترتها ليلة الحدث .. و اليوم اتساءل لماذا أخمد الجيش فرحتنا في مهدها ؟؟ كل عام و انت بخير و شكرا لرقي الكلمات و مرورك الكريم :)

    سكر زيادة:
    سعيدة بمرورك عزيزتي و ربنا يهز اليهود هزة هزيمة ما يفوقوا من بعدها يارب .. كل عام و انتي بخير :)

    Thaer Moner :
    مزبوط و الله الشعب المصري شعب كريم و الفلسطينيين بيحبوهم .. ربنا يولي عليهم الوالي الصالح اللي يخاف ربنا .. شكرا لمرورك :)

    بداية الحكاية .. مصر :
    شكرا من ذوقك و الله .. كل عام و انت بخير :)

    ردحذف