الثلاثاء، 9 آب، 2011

لحباتك عشق ,,,





من سنة فاتت لما انتقلت على فرجينيا
 صار المطر جزء من حياتي اليومية صيف شتا..

بتزكر أول يوم وصلت فيه هناك
بعد 22 ساعة سفر .. و عمر مارق في شوية صور
في حضن السرير الوثير بعد السحور .. سامعة صوت
و بين النايم و الصاحي قلبي يقلي شتا يا هديل
و عقلي يرد عليه يا ابني ارحمنا تعبانين سيبنا ننام
ما بعرف شو حكوا ولا شو تقاتلوا بعدها .. 
بس هو كان يهدهدلي بحنانه و بحنيني إله ..
و صحيت قبل الشمس و لاقيت حبّاته مغطية البرندة الخشب
كل وحدة منهم ابتسمت و قالتلي جينا نطمن عليك و إنت نايمة
من جوّا ابتسمت .. 
بحبكم أنا :)

شهرين و شوي مرقوا عليّ في القرية الألمانية
 ذات نفس المزاج الماطر الذي أحب
شهرين من كل المشاعر اللي "داريت" أو "ما داريت" عليها
 و بين التنتين بتغيّم سماءات الحلم شوي و بتشرق شوي ..
في سجود صلاة الضهر اليوم إجاني نفس الصوت تاع هداك الفجر
و القلب هتف مو بس رمضان و هو كمان 
باب السما أكيد مفتوح هلأ .. مفتوح كتير صح ؟ 
و القلب محتاج الدعا كتير .. كتير 
سلّمت و أسلمت أمنياتي لك يا كريم ..
طلعت على البرندة العالية و مديت إيديّ أسلم عليك
ما أجملك .. ما أصفاك .. ما أغلاك
و مع إنك دايما هون .. 
مشتاقالك ..

هديل 
اللي بتتساءل هو لما تشتي عنّا باب السما بيكون مفتوح عندكم كمان ولا كيف ؟ 



هناك 12 تعليقًا:

  1. ^_^ سؤال صعب شوية بس يستحق التفكير

    جميل ياحبيبتى

    تحياتى :)

    ردحذف
  2. غير معرف10 آب، 2011 2:33 ص

    يا سلالالالام مطر زماااان عنو البركه زمان ما اطمن علينا ولا احنا حنان الشمس حارقنا باشواقو
    الحمدلله
    ربي يديم عليكي صفاء الروح والسكينه
    واكيد كانلي نصيب بالدعاء :)
    هدولتي انا متاكده ان الباب عنا صدا مابيفتح الا كل سنه مره او مرتين اكيد وبنكون نايمين فيهمم هههههههه
    رمضان كريم

    ام زوز

    ردحذف
  3. غير معرف10 آب، 2011 4:04 ص

    اشتقت اقرأ هان و ابتسم من جوّا :)

    نون

    ردحذف
  4. Carmen:
    اجا عبالي هالسؤال و انا بدعي بس مو ضروري تعرف اجابة :)
    سعيدة بمرورك عزيزتي :)

    ام زووووووز:
    ما تقولي هيك بواب ربنا ما بتتسكر بواب ربنا بس قلب يستحضر رحمته و كانه شايف ربنا .. فاكرة لما كنتي تروحي معصبة من الجامعة عشان الشتا بلّ أواعيكي كنت أموت من الضحك عليكي .. اشتقتلك و الله و في دعائي دائما :)

    نون:
    و أنا اشتقت اقرأ تعليقات نون اللي فاهمة عليّ كتير .. لو تعرفي اديه عندي درافتس بس مش عارفة اعمللهم ببليش :)

    ردحذف
  5. غير معرف10 آب، 2011 5:54 م

    صراحة كتابات جميلة جدااا ... يعطيك العافية ... مش عارف كيف بتطلع معك :) ... انا متابع دائم .. و يا ريت لو ممكن تكتر الكتابات شوية ؟ :)

    ردحذف
  6. تدوبنة وحلوة وخفيفة بأجواء الرمضانية ,وعن جد من جوا وطالعة من القلب .


    تقبلي مروري

    رشا

    ردحذف
  7. كل عام وانتي بخير رمضان كريم

    ردحذف
  8. غير معرف14 آب، 2011 2:00 م

    أنا بعشق المطر و إنتي خليتيني أحبه أكتر ...أكيد باب السما مفتوح طول ما المطر بينزل في أي مكان في الأرض.
    أرق تحية لكي :)

    شيرين سامي

    ردحذف
  9. أحب المطر جدا
    و أحيانا أنزل أنا و إبنتى نجرى تحت المطر فى الحديقة حتى نبتل تماما
    و أحب رائحة خشب النوافذ عندما يتبلل بالمطر
    أعدت لى ذكريات كثيرة بهذا البوست يا عزيزتى
    و نعم يا عزيزتى باب السماء يفتح حين المطر فوقت العواصف و الزلازل و غيرها من الظواهر الطبيعية من أوقات قبول الدعاء و أعتقد هناك حديث شريف بهذا المعنى لكن لا أذكره للأسف

    ردحذف
  10. صباح الورد

    كل الأحلام وباب الآمال تشرع وقت الغيث

    ونزول الرحمات ...

    منظر جميل هو هطول المطر أو حتى حبات البرد

    تعطي صفاء للنفس نحتاجه بشدة وكأنها رياضة

    تنشط أرواحنا فنعود مغسولين من كل شوائب الحياة ..

    ردحذف
  11. غير معرف :
    الله يعافيك و أنا و مدونتي سعداء بمتابعتك .. و ان شاء الله ححاول أكتر البوستات لأنه أنا فلعا مقصرة :)

    سكر زيادة :
    إنتي و مرورك اللي لزيزين و الله و سعيدة بمرورك عزيزتي :)

    عاشقة الأحلام الوردية :
    و انتي بخير يارب .. يمكن هلأ المفروض أقول عيد مبارك :))

    ردحذف
  12. شيرين سامي :
    فكرك المطر بيحبنا زيه ؟ الله يستجيب دعواتنا يارب و يتقبل منا أجمعين .. سعيدة بمرورك عزيزتي :)

    شهرزاد المصرية :
    كلامك جميل جدا .. الله يخليلك بنتك يارب و يحفظكم لبعض .. شو حلو يكون لك شبيه و الأحلى يكون قطعة منك .. ما أجملكم :)

    ريبال ييهس :
    صباحك و مساك ورد .. للمطر جمال في هطوله لا يعدله جمال :)

    ردحذف