الخميس، ١٧ شباط ٢٠١١

إلى خالتو إم سوسن





 العادي إنك :
1. تعرف حد
2. تحبه
3. و تصير تشتقله و تتمنى تشوفه لما يغيب ..

بس ممكن تصير بالعكس ؟

1. تتمنى تشوف حد و تشتقله
2. تحبه من كتر ما انحكالك عنه
3. و بعد كل هاد تتعرف عليه؟

أنا صارت معي مع بطلة حكايتنا "ابتسام" (و حندلعها سوسن ههههههه) و مامتها "إم سوسن" ..
سوسن هادي من الناس اللي كانت دايما في سيرة مامتها ..
ما بطلت حكي عنها و عن قديه انها ست طيبة و حنونة و دمها خفيف ..
صار لما تنجاب سيرتها قدامي احس انها حد لزيز ممكن تصاحبه
و صرت اتمنى اشوفها و اقعد معها ..
و ساعات اسأل عن أخبارها
طبعا هي ولااااااا تعرف انه حد بنم عنها النم هاد كله ..

و لما نزلت بالصيف على غزة قررت أشوفها !
كلمتها و عرّفتها اني من طرف سوسن حبيبتها اللي في الشتات
و اتفقنا على معاد نتلاقى فيه ساعة عصرية
و لسان حالي يقول "حقابله بكرااا"

كانت مغامرتي و قلت لصحبتي تعالي معايا ..
صح مجنونة انا و بتطلع شغلات براسي
بس بستحي برضه اروح لحالي J  ..

لاقيت اشياء متل ما وصفتها سوسن
الطريق الطويل برفقة اللون الازرق و موجاته
المحل اللي صاحبه حاطط فيه تخت و بنام العصر
و اشياء نسيت سوسن توصفها
نسيت تقلي انه ممر البيت في قواوير ورد
و نسيت تقلي انهم مع شمس العصر الباردة حيخلوك تضحكلهم من جوّا
و وصلت الدرج و تبّتت بكم العباية تعت صحبتي
يا نهار ابيض يا نهار ابيض انا هنا عنجد  ..
و بينما الافكار تتجاذبني على اول الدرج
اجاني صوتها المبتسم من اخره "تعالي يا هديل" ..
يا لهوي يا لهوي بتنادي عليّ القصة قلبت جد ..
و قمت طلعت زي الشطار
و استقبلتني بحرارة ضحكة "حلوة"  
من سيدة مبين انها تمام زي ما انقالي عنها ..
(و حبيتها .. ايواااا انا حبيتها .. مش قادر أنسى ضحكتهااا )

و تاني الاقيك يا كلام عاجز .. و مش حتدي شعوري ولا شوي من حقه
مش حعرف احكي عن قديه انبسطت بالقعدة
مع انه الاسدين قصدي البستين "زودياك" و "تشافي" كانوا بالدار
(مين المبدع اللي اطلق عليهم الاسماء هادي ههههه)
و خالتو بطيبتها كانت حريصة انهم ما يقربوا عليّ
و لا حعرف اقول عن الألفة الغريبة اللي حسيتها مع أهل هالبيت
في الأحاديث العفوية و الضحك و النم عن سوسن نفسها
كل اللي اعرفه انه انا ارتحت عند هالطيبة و كانها حد بعرفه زمان
حد زي ماما
و زي جارتنا انتيمة ماما
و زي خالتو اختها لماما
حد كان نفسي يكون ساكن قريب مني
عشان لما اشتاقله زي هلأ ارن عليه و اقله
" اشتقت لقهوتك "
(مع انه ما بشرب القهوة أنا )
J

شعور "غير" لما تتقابل مع التفاصيل اللي انت الريدي حبيتها قبل ما تشوفها ..
كانك بتركب صور على تخيلات ببالك ..


هديل


هناك ٢٣ تعليقًا:

  1. حلو انه الواحد يكتب عن ناس بيقابلهم في حياته وخاصة لما يكونوا ناس رائعين ، ساعات بفكر انه البلد خلصت ومافي حدا بنقدر نقول عنه انه رائع بجد .. يا بختك يا هديل بالناس اللي بتعرفيهم ، مافي اجمل من الصداقة والمحبة اللي بتيجي على غير اوانها ..
    تحياتي لك ولإم سوسن ... اها ولسوسن كمان بلاش تزعل .

    ردحذف
  2. أنا اللي مزعلني في الموضوع كلّه انك ما جبتيش سيرة أبوسوسن،،،!!!
    و الله تلاقيه هلقيت نازل دعاوي لسوسن الله يوفقها في امتحانها بكرة !


    (أنا مين :D ?)

    ردحذف
  3. وجع البنفسج:
    متل ما بنقابل ناس منيحة و احساسنا فيهم بيجبرنا نكتب عنهم .. بيمر علينا ناس لئيمة و مستفزة بس ما بيستاهلوا اخصصلهم تدوينة يا امتياز .. في حياتنا من الصنفين انا و انت و الكل .. و بعدين احنا حنقر و لا ايييييييييييييه ببطل احكيلكم بعدين :p

    يا غير معرف يللي مش حقلك انت مين :]
    أبو سوسن هاد لحاله حكاية و خفت أكتب عنه تقوم إم سوسن تغار و تقول البنت هادي انا بطلت مستريحالها .. و سوسن تزعل و تقولي يا خسارة يا دودو و انا اللي فكرت انك غلبانةو على نياتك ههههههههه

    ردحذف
  4. خلص ياهديل ، مابدي انق عليك بلاش يصير معك اشي وتحطيها فيا ،هههههه ، خليني على البر أحسن ،

    ملاحظة خارج النص ..

    بعتلك اضافة ع الفيس شوفتيها ولا طنشتيها ...!!!ههههه

    ردحذف
  5. أيوا هيك احسن اي مصيبة جاية حقول منك هههههه
    عفكرة الصفحة تعت طلبات الاضافة ما بفوتها غير كل 5 سنين مرة .. و هي احلى قبول لامتياز :)

    ردحذف
  6. تصدقي انا كمان حبيت ام سوسن هي والبستين كمان
    بس ما حكتيلنا قبل عن ام سوسن ليش طيب ؟؟

    اشتاقي لمن تحبين يزداد حبك لهم كلما راودتك لحظه حنين تعودين بذكرى معطره بينهم

    وربنا يوفق سوسن بالامتحان ازا كانت ما امتحنت لسه

    ام يامن

    ردحذف
  7. حجتي العزيزة ام يامن :
    كتير شغلات ما لحقت احكيها أو ما كان الوقت و الظرف مناسب لأحكيها.. بس نروح غزة المرة الجاية بناخدك انتي و ميرو و الغلبان عند ام سوسن باذن الله :)
    صباحك و مساك فل و ياسمين .. :)

    ردحذف
  8. سلميلي علي ام سوسن
    **احمد**

    ردحذف
  9. أحمد .. بس أشوفها ع خير باذن الله بوصللها سلامك .. ما بدك اسلم ع سوسن :)

    ردحذف
  10. ذكرتيني بشي صار معي قبل 4 سنين , بس بجد شعور حلو لما تشوفي ناس أول مرة بس انتي بتعرفيهم من زمان . في شغلة بدي أقولك اياها أنا بعرفك من أيام الجامعة جديد اكتشفت القصة .

    ملاحظة : كنت معاك في الفصل الأول من سنة أولى IT !!!!

    ردحذف
  11. واضح انك انسانه رقيقه و قلبك أبيض سعيده بمعرفتي بمدونتك الجميله
    تحياتي لكي

    ردحذف
  12. بتعرفي لمّا تحسّي فجأة بحب و دفا ،و ألفة
    و هيك كومة اشياء كانها فرح خفي ما بتعرفي من وين جاي ،

    اذا اه ،فـ هيك بالضبط حسّيت ..

    ردحذف
  13. رشا :
    لو حابة قوليلنا شو صار معك :)
    و عنجد كنتي معي ؟؟ من تكووون ؟؟ من انت ؟؟ من تكوووون يا صاحب الظل اللطيف :)

    شيرين سامي :
    أخجلتي تواضعنا كله من زوقك و الله .. سعيدة جدا بزيارتك .. عيديها يا قمرة :)

    نون :
    بتعرفي لما تتطلعي بالكلام و تبتسميله كانه بني ادم .. انا هيك و انا بطلع ع تعليقك .. جدا سعيدة بتواجدك انا :)

    ردحذف
  14. جميل ياهديل فعلا افكارك جميلة ورقتك لا توصف
    تقبلي زيارتي الاولي وليست الاخيرة باذن الله

    ردحذف
  15. Carmen :
    ولا تيجي حاجة جمب مدونتك الرومانسية :)
    سعيدة جدا بزيارتك و تشرفيني ..
    يارب دايما تعجبك مدوناتي :)

    ردحذف
  16. بوست متميز ووصف رائع رغم بساطته إلا أنه حمل معاني كثيرة في كلمات قليلة

    خالص تقديري لفكرك وقلمك

    _______

    Casper

    ردحذف
  17. انت اللي رائعة و مرورك عندي هو اللي خلا البوست مميز
    .. سعيدة بيك يا كاسبر :)

    ردحذف
  18. فعلا يا هديل فيه ناس سبحان الله بنحبها ونتمنى نشوفها من قبل ما نعرفها اصلا

    وكفاية انها بغزة الحبيبة

    اول زيارة للمدونة الرائعه وان شاء الله لن تكن الاخيرة يا قمر
    تحياتي

    ردحذف
  19. تخاريف مترجمة :
    و غزة و اهلها بحبوكم كمان و بتشرفيني انا و المدونة متى ما زرتينا عزيزتي :)

    ردحذف
  20. رائعة
    بس قصة الهرتين شو؟

    ردحذف
  21. الهرتين هههههههههه
    وحدة ع اسم فيلم و التانية ع اسم لاعب كورة
    كيف بالله الابدااااع :)

    ردحذف
  22. تحيه منى لكى اختى الكريمه
    وشكرا على زيارتك اللطيفه لمدونتى
    وتحيه اخرى لكل اشقائنا فى فلسطين المحتله اعادها الله لنا عاليه مرفوعه الرأس
    وفى النهايه شكرا لسوسن وام سوسن

    ردحذف
  23. فرنسا هانم .. كل الشكر لمرور حضرتك :)

    ردحذف